ടി.​പി. വ​ധ​ക്കേ​സി​ൽ ഇ​നി ക​ണ്ടെ​ത്തേ​ണ്ട​ത് കാ​ര​ണ​ഭൂ​ത​നെ; കു​ഞ്ഞ​ന​ന്ത​ൻ ശു​ദ്ധാ​ത്മാ​വാ​ണെ​ന്ന് പ​റ​യു​മ്പോ​ൾ കൊ​ല​പാ​ത​ക​ത്തി​ൽ പാ​ർ​ട്ടി​യു​ടെ പ​ങ്ക് വ്യ​ക്ത​മാ​ണെ​ന്ന് ര​മേ​ശ് ചെ​ന്നി​ത്ത​ല

തി​രു​വ​ന​ന്ത​പു​രം: ടി.​പി. ച​ന്ദ്ര​ശേ​ഖ​ര​ൻ വ​ധ​ക്കേ​സി​ലെ പു​തി​യ ഹൈ​ക്കോ​ട​തി വി​ധി സ്വാ​ഗ​താ​ർ​ഹ​മാ​ണെ​ന്ന് കോ​ൺ​ഗ്ര​സ് നേ​താ​വ് ര​മേ​ശ് ചെ​ന്നി​ത്ത​ല. കേ​സി​ന്‍റെ കാ​ര​ണ​ഭൂ​ത​നെ​പ്പ​റ്റി​യാ​ണ് ഇ​നി അ​റി​യേ​ണ്ട​ത്. സു​പ്രീം കോ​ട​തി​യി​ൽ കാ​ര​ണ​ഭൂ​ത​നെ​പ്പ​റ്റി വ്യ​ക്ത​മാ​യ തെ​ളി​വു​ക​ൾ വ​രു​മെ​ന്നാ​ണ് വി​ശ്വാ​സം. ഈ ​കൊ​ല​പാ​ത​ക​ത്തി​ന്‍റെ ഗൂ​ഢാ​ലോ​ച​ന അ​ന്വേ​ഷി​ക്ക​പ്പെ​ടേ​ണ്ട​ത് ത​ന്നെ​യാ​ണെ​ന്ന് ചെ​ന്നി​ത്ത​ല.

നി​ഷ്ഠൂര​മാ​യ കൊ​ല​പാ​ത​ക​ത്തെ സി​പി​എം എ​ങ്ങ​നെ ന്യാ​യീ​ക​രി​ക്കു​ന്നു​വെ​ന്ന് ഇ​ന്ന​ലെ​യും ഇ​ന്നു​മാ​യി കോ​ട​തി​യി​ലെ വാ​ദ​ങ്ങ​ളി​ലൂ​ടെ ക​ണ്ടു​വെ​ന്ന് ചെ​ന്നി​ത്ത​ല പ​റ​ഞ്ഞു.

ഈ ​കേ​സി​ൽ കൂ​ടു​ത​ൽ നി​യ​മ യു​ദ്ധ​ത്തി​നു വ​ഴി​തെ​ളി​ക്കും എ​ന്നാ​ണ് വി​ശ്വാ​സം. കെ.​കെ. ര​മ ഇ​തി​നു മു​ക​ളി​ലു​ള​ള കോ​ട​തി​യി​ലേ​ക്ക് പോ​കു​മെ​ന്ന അ​വ​രു​ടെ അ​ഭി​പ്രാ​യ​ത്തെ സ്വാ​ഗ​തം ചെ​യ്യു​ന്നു. അ​തി​ന​വ​ർ​ക്ക് പൂ​ർ​ണ പി​ന്തു​ണ ന​ൽ​കു​മെ​ന്നും അ​ദ്ദേ​ഹം വ്യ​ക്ത​മാ​ക്കി.

അ​ന്ന് അ​ന്വേ​ഷി​ക്ക​പ്പെ​ടാ​തി​രി​ക്കാ​ൻ കാ​ര​ണം അ​ക്കാ​ല​ഘ​ട്ട​ത്തി​ലെ ഫോ​ൺ കോ​ളു​ക​ൾ സ​ർ​വീ​സ് പ്രൊ​വൈ​ഡേ​ഴ്സ് ന​ൽ​കാ​ൻ വി​സ​മ്മ​തി​ച്ച​താ​ണ്. ഇ​നി​യും അ​തി​നു​ള​ള സാ​ധ്യ​ത​ക​ൾ ത​ള്ളി​ക്ക​ള​യാ​നാ​വി​ല്ല. സ​ർ​വീ​സ് പ്രൊ​വൈ​ഡേ​ഴ്സാ​ണ് ഈ ​കേ​സി​ലെ ഗു​ഢാ​ലോ​ച​ന അ​ന്വേ​ഷ​ണ​ത്തി​നു ത​ട​സ​മാ​യ​തെ​ന്ന് അ​ദ്ദേ​ഹം വ്യ​ക്ത​മാ​ക്കി.

ഇ​ത്ത​രം ഒ​രു കൊ​ല​പാ​ത​കം ന​ട​ന്നി​ട്ട് അ​തി​നെ ഇ.​പി. ജ​യ​രാ​ജ​ൻ ന്യാ​യീ​ക​രി​ച്ച​ത് ദൗ​ർ​ഭാ​ഗ്യ​ക​ര​മാ​യി​പ്പോ​യി. എ​ൽ​ഡി​എ​ഫ് ക​ൺ​വീ​ന​ർ എ​ന്ന നി​ല​യി​ൽ അ​ദ്ദേ​ഹം ന​ട​ത്തി​യ പ്ര​സ്താ​വ​ന ഇ​തി​ലെ മു​ഴു​വ​ൻ പ്ര​തി​ക​ളെ​യും സം​ര​ക്ഷി​ക്കു​ന്ന ഉ​ത്ത​ര​വാ​ദി​ത്ത​മാ​ണ് കാ​ണി​ക്കു​ന്ന​ത്. ഈ ​കേ​സി​ൽ യ​ഥാ​ത്ഥ ഗൂ​ഢാ​ലോ​ച​ന ന​ട​ത്തി​യ കു​ഞ്ഞ​ന​ന്ത​നെ വ​രെ ഇ.​പി. ജ​യ​രാ​ജ​ൻ ന്യാ​യീ​ക​രി​ക്കു​ന്നു​വെ​ന്ന് ചെ​ന്നി​ത്ത​ല പ​റ​ഞ്ഞു.

കു​ഞ്ഞ​ന​ന്ത​ൻ ശു​ദ്ധാ​ത്മാ​വാ​ണെ​ന്നും മാ​ട​പ്രാ​വാ​ണെ​ന്നും പ​റ​യു​ന്നു. ന​മ്മു​ടെ നാ​ട്ടി​ൽ കോ​ട​തി ശി​ക്ഷി​ച്ച് ജ​യി​ലി​ൽ കി​ട​ന്ന ഇ​തു​പോ​ലു​ള്ള പ്ര​തി​ക​ളെ ന്യാ​യീ​ക​രി​ക്കു​ക വ​ഴി സി​പി​എം ഈ ​കൊ​ല​പാ​ത​ക​ത്തി​ലെ അ​വ​രു​ടെ പ​ങ്ക് വ്യ​ക്ത​മാ​ക്കി​യി​രി​ക്കു​ക​യാ​ണ്.

ഇ​ന്ന് ഇ.​പി. ജ​യ​രാ​ജ​ന്‍റെ പ​ത്ര​സ​മ്മേ​ള​നം കേ​ട്ട ഏ​തൊ​രാ​ൾ​ക്കും ഈ ​കൊ​ല​പാ​ത​ക​ത്തി​ന്‍റെ പി​ന്നി​ൽ സി​പി​എം ആ​ണെ​ന്ന് വ്യ​ക്ത​മാ​കും. ഇ.​പി പ​ര​സ്യ​മാ​യി പ​റ​ഞ്ഞ അ​ഭി​പ്രാ​യം ത​ന്നെ​യാ​ണോ എം.​വി. ഗോ​വി​ന്ദ​നും ഉ​ള്ള​ത് എ​ന്ന​റി​യാ​ൻ താ​ൽ​പ​ര്യ​മു​ണ്ട് എ​ന്ന് ര​മേ​ശ് ചെ​ന്നി​ത്ത​ല പ​റ​ഞ്ഞു.